Мазыр: масавае вылучэнне праз збор подпісаў?
У Мазырскі раённы Савет дэпутатаў на 40 выбарчых акругаў зарэгістравана 49 ініцыятыўных груп претэндэнтаў у кандыдаты. Перад гэтым адбылося 3 паседжанні Мазырскай раёнай выбарчай камісіі.
Па інфармацыі назіральніка Уладзіміра Целяпуна, пры рэгістрацыі ініцыятыўных груп нікому не было адмоўлена. Партыйная прыналежнасць пры абмеркаванні была агучаная толькі ў дачыненні траіх прэтэндэнтаў ад КПБ.
“Такое масавае вылучэнне праз збор подпісаў на мясцовым узроўні на Мазыршчыне назіраецца ўпершыню. Нават і тыя кіраўнікі прадпрыемстваў і ўстановаў, якія з'яўляюцца "штатнымі", пастаяннымі дэпутатамі і вылучаліся ад працоўных калектываў, "пайшлі ў народ". Аднак колькасьць членаў ініцыятыўных групаў, 3 - 5 чалавек, зрэдку 8, паказвае, што гэта не іх асабістая ініцыятыва, – выказвае асабістае меркаванне Уладзімір Целяпун. – Магчыма, актывістаў праўладных кандыдатаў выштурхоўваюць для пашырэння досведу публічнай працы з людзьмі»
Наступны этап выбарчай кампаніі – агітацыя, дзе і будуць бачныя магчымасці вылучэнцаў, а таксама – з чым яны пойдуць да людзей.