Прэс-цэнтру кампаніі назірання “Права выбару-2018” адмовілі ў арэндзе памяшкання
Прэс-цэнтр кампаніі назірання “Права выбару-2018”. Фота Паўлюка Быкоўскага.
Прэс-цэнтр кампаніі назірання “Права выбару-2018” раптоўна спыніў сваю працу ў галоўны дзень галасавання па выбарах у мясцовыя Саветы 18 лютага.
Як паведамляе прэс-сакратар кампаніі назірання Ігар Барысаў, гаспадары памяшкання, а гэта культурны цэнтр “Корпус”, раптам адмовілі ім у арэндзе.
"Па незалежных прычынах мусім спыніць эфір у гэтым памяшканні. Спадзяемся ў хуткім часе працягнуць з іншага памяшкання", - паведамляе ў сацыяльных сетках Ігар Барысаў.
