Праваабаронцы за свабодныя выбары

З падрабязнага аналізу прычынаў, па якой адмаўлялі вылучэнцам у кандыдацтве вынікае, што большасці было адмоўлена з-за несапраўднасці часткі подпісаў, адабраных для праверкі, а таксама недакладнасці ў дэкларацыях аб даходах альбо маёмасці.

Нядопуск вялікай колькасці прэтэндэнтаў ад апазіцыйных структураў да ўдзелу ў выбарах – самая абуральная адметнасць этапа рэгістрацыі кандыдатаў у дэпутаты мясцовых Саветаў дэпутатаў 28-га склікання. Аналітыкі лічаць гэты крок мясцовых уладаў лагічным працягам захадаў па забеспячэнні прызначанай Цэнтрвыбаркамам яўкі.

19 студзеня адбылося чарговае паседжанне Гродзенскай абласной ТВК, на якім была агучана колькасць зарэгістраваных кандыдатаў у дэпутаты на выбары ў абласны Савет дэпутатаў.

Гэта старшыня РЭП па Гродзенскай вобласці Корабаў Васіль Сямёнавіч і прадстаўніца АГП Котава Галіна Аляксандраўна. Абодва не былі зарэгістраваныя з-за наяўнасці памылак у дэкларацыях.

Нягледзячы на пэўныя заўвагі, Бярозаўская раённая выбарчая камісія па выбарах дэпутатаў Бярозаўскага раённага Савета зарэгістравала ўсіх 46 кандыдатаў у дэпутаты на 27 выбарчых акругаў.

Магілёўская гарадская выбарчая камісія зарэгістравала 132 кандыдаты ў дэпутаты на 40 акругах. Пераважная частка вылучэнцаў прадстаўляюць бюджэтную сферу і працуюць у дзяржаўных органах.

Тэхнічныя кандыдаты ці актыўнасць сацыяльных работнікаў, педагогаў і шэраговых супрацоўнікаў “Нафтану” і ЖРЭА? Склад прэтэндэнтаў на дэпутацкія крэслы і іх размеркаванне па акругах выклікаюць пытанні ў назіральнікаў.

Віцебская гарадская выбарчая камісія зарэгістравала 68 кандыдатаў у дэпутаты гарадскога Савета дэпутатаў, пяці прэтэндэнтам адмовіла. У выніку ў 20 з 40 акругаў балатуюцца па адным кандыдаце.

Як паведаміў з паседжання камісіі прадстаўнік кампаніі "Правабаронцы за свабодныя выбары" у Гомелі Леанід Судаленка усяго на 40 месцаў у гарадскі Савет дэпутатаў былі пададзены дакументы ад 140 чалавек, з якіх 54 вылучаліся шляхам збору подпісаў выбаршчыкаў, 47 працоўнымі калектывамі і 39 палітычнымі партыямі.

Адмову ў рэгістрацыі атрымалі А. Лінкевіч (грамадская арганізацыя "Гавары праўду"), паколькі ў прэтэндэнта выявіліся несапраўдныя дадзеныя ў дэкларацыі аб даходах, С. Статкевіч (грамадская арганізацыя "Гавары праўду"), у якога 8 подпісаў былі сабраныя не на тэрыторыі акругі.

Без заўвагаў і страт прайшла рэгістрацыя ўсіх 48 прэтэндэнтаў, якія вылучаліся ад прадпрыемстваў і арганізацый.  З 24-х прэтэндэнтаў, якія вылучаліся шляхам збору подпісаў грамадзян, зарэгістраваныя толькі 18 чалавек.

Барысаўскі назіральнік Алег Мацкевіч адзначае, што магчымасці прысутнічаць пры праверцы подпісаў вылучэнўцаў яму не прадставілі і нават не адказалі на ягоную заяву.

Мазырская раённая камісія па выбарах дэпутатаў мясцовых Саветаў на сваім паседжанні 18 студзеня зарэгістравала кандыдатамі ў дэпутаты райсавета практычна ўсіх вылучэнцаў па ўсіх 40 выбарчых акругах.

Вынікі першага этапу выбарчай кампаніі падвялі 18 студзеня лідэры правацэнтрысцкай партыйнай кааліцыі. Прэс-канферэнцыя з нагоды завяршэння этапу рэгістрацыі кандыдатаў у дэпутаты мясцовых Саветаў прайшла ў фармаце перадвыбарчага пікету каля Камароўскага рынку.

Сяргей Гоўша  накіраваў скаргу ў ЦВК. У ёй назіральнік выказвае сваё абурэнне адносна таго, што баранавіцкі гарвыканкам не друкуе на сваім сайце і ў газетах інфармацыю аб месцах працы і пасадах сябраў выбарчых камісій.